مش هتلاقي قلب زي قلبي

عمرك ما هتلاقي قلب زي قلبي

عامله يا حبيبتي
قصدي يا اللي فهمت يوم إنك حبيبتي

قلبي صابــه الجرح منك

بس بسأل غصب عني

قلبي شاف الغدر لكن

لسه داء الحب فييه

هو ده القلب اللي سبتيه

 هو ده القلب اللي كان بعدك مراره

هو ده القلب اللي بعدك كان إحتضاره

هو ده القلب اللي حبك

وبجرحك شـــاف  إنكســاره

هو ده القلب اللي كان عمال بيحلم

وإنطفي  بالغدر نوره

هو ده قلبي اللي عمرك ما هتلاقي قلب زيــــــه

قلب لما إحتاج يتكلم بعد غدرك

مبتداش وقال ياخاينة

مبتداش ولام عليكي

قلب لما إحتاج يتكلم
 مقلش ليكي إزاي وليييه

أول جمله ليكي قالها

يا حبيبتي عامله إيــــــــه
قصدي يا اللي فهمت يوم إنك حبيبتي

*********

هو دا القلب الكبير

قلب عارفاه من بدايته

فاتح أبواب السماح

مبيعرفش يوم يخون أو حتي يبكي ع اللي راح

بالرغم إنه ليل نهار شاف وياكي الجراح

شاف معاكي الإهانه

 وإستحمل وقال كفايه إنها مش خيانه

قلب سامحك وحافظ عليكي

ولاحتي فكر إنه لحظة يسيب عنيكي

قلبي أنا

قلب الأمير

اللي شاف في حبك إهانات كتيير

من صحابك ومن حبيبك القديم

هو قلبي اللي عمرك ما هتلاقي قلب زيــه

قلبي أنا قلبي الكبير

***********

حبي ليكي كان طبيعة في قلبي

مش إحساس  جديد

حب إتعلمت أصونه

ولازم يبقي الصدق لونه

عمري ما إتصورت قلبك يبقي غادر

واللي صنته في يوم يخونه

كنت خايف من بداية حبنا

كنت خايف وكنت بدعي ربنا إنــه يحمي حبنا

كنت بقول هل هتبعدنا الظروف

هل هتخونا الأماكن

هل هيفضل حبنا في القلب ساكن

ولا هتكوني زي الحب القديم باعني وخانـــي

 وسابني أبكي وعمره ما صانـــي

***********

كل غدر في النهاية

مشهد صورتـــه في خيالي

إلا غدرك عمري في الأحلام ما شفته

ولا حتي في الأيام رسمته

معاكي قلت مش هخاف من أي غدر و خيانه

قلت إنك نعمة وهبها ربي ليا

وفي النهايه رجعتي بردو غدرتي بيا

وغصب عني لازم أطمن عليكي

عامله إيه يا حبيبتي

قصدي يا اللي إفتكرت يوم  إنك حبيبتي

*********

كل الناس لما شافوكي منك حذروني

صرخت وقلتي ليهم دي حبيبتي ونور عيوني

وبعد هجرك وغدرك

كله بيقول إنسي نارها

وعيش حياتك حسسها إنك مش ضعيف

صرخت قلت إزاي أعيش

مع ناس تخاف متختشيش

ناس بتجرح وتروح وتبكي وتسبق وتشكي

مش هينفع تاني أعيش

مش هينفع تاني أعيش

زمان كنت بشوفك يوم في حلمي

كنت بفكر فيكي دايماً في كل لحظه وقبل نومي

كنت بفرح لما أشوف ضحكة عنيكي

كنت بخاف لما أشوف رعشة إيديكي

كنت ببكي لما أشوف الدمعه طالعه من عنيكي

عملت ليكي قصر مليان بالقصايد

الكل في العالم يشوفه

كنت بفرح لما يقولو أد إيــــه أنا بحبك

وكنت بحزن لما منك يحذروني

صورتك كانت أحلي إنسانه في عيوني

وإتصدمت لما شفت الجرح منك

بس بردو غصب عني لازم أطمن عليكي

وأقولك

عامله إيه يا حبيبتي
قصدي ياللي فهمت يوم إنك حبيبتي

صدقيني

لو فكرتي يوم تيجي لقلبي

مش هيرضي تاني بيكي

يا حبيبتي إنتي عارفه إنك خدعتي

وعلي قلبي لعبتي وغدرتي

كفري عن ذنب قلبك

وإبعدي عن قلب حبك

اللي إنتي قتلتي حلمه

بس بردو غصب عني جاي بقولها ليكي تاني

عامله إيه يا حبيبتي

قصدي ياللي فهمت يوم إنك حبيبتي

بس عايز أقولك حاجه قبل ما أمشي

شوفي قلبي وإتحسري

قلبي اللي عمرك ما هتلاقي قلب زيــــــــــه

بقلمي انا  الشاعر : إبــــــــــراهيم الأمير