في عيد ميلادك

في عيد ميلادك

بتخضر أوراق الشجر

تنور حياتي يا قمر

وتخلي روحك مع روحي

موصولة برباط الحب والسهر

في عيد ميلادك إنتي غاليه

أغلي من العيد اللي قبله

وشروق الشمس النهاردة

غير كل يوم

من يوم ما خطبتك وحياتي

مفيهاش غيوم

مليانه حب وشوق والحزن شئ معدوم

يوم ما إتولدتي شفت الأمل مكتوب في السماء

إسم أميرة في السحاب وجنبه إسمي أنا

كنت صغير معرفتش إيه معني اللي موجود في السما

إلا لما خطبتك أنا

عرفت إنك أجمل هدية من ربنا

عرفت إنك مستقبلي وعشتلك

وهموت فدا حبك أنا

في عيد ميلادك اللي فات كتبتلك

3 قصايد والنهاردة بكتب في حبك

أجمل كلماتي أنا

صغيرتي أنتي حبيبتي أنتي

معشوقتي أنتي زوجتي أنتي

أما أنا فأعيش من أجلك هنا

كل سنه وإنتي في سعادة وهنا

ماذا أهديكي وأنتي هدية عمري أنا

فهدايا البشر لايمكن أن تفيكي حقك

فأنتي هدية أعطاها ربي لي أنا

فأنت عمري

أنت حياتي

يا زهرة تزين بساتيني

يا من أستمد من بسمتك حياتي

أعذريني

فكل كلمات العشق لن تكفي

وكل الهديا تعجز أمامك

فكل عام وأنا حبيبك

كل عام وأنا زوجك

كل عام وأنتي حياتي

في هذا اليوم من كل عام 27/3

عيد ميلادها

في هذا اليوم من كل عام

يوم 27/3 يا خلق يا أنام

بحتفل بأجمل أميرة

بحتفل بأجمل هدية

ربي أعطاها ليا 

هيا شمعه مليانه بالحب والحنان

هيا نجمه بتكون دليلي

وهيا قمري بدر طول أيام العام

في هذا اليوم من كل عام

بعترف بشوقي ليها في الحقيقة والأحلام

فاليوم ولدت أنا

اليوم ولدت الدنيا

بالنسبة لي

ولد الحب

هديتي لك هذا العام

بصمة حبٍ

في قلبي

قفص خلودٍ في صدري

فكر دائم في عقلي

 حب للأبدِ

عشق مدي الحياة

ميـلادك فيه قلبي إتولد

وعقل فكره بقي ليكي للأبد

وروح نفسها تفديكي من غير سبب

وعين شيفاكي ملاك مش بشر

وحُبـك بقي مـراية ليا

كل عام

وإنتي عطر حبي .

كل عام

وإنتي حياتي

كل عام

وإنتي ملاكي

كل عام وإنتي معايا

كل عام وإنتي زوجتي

ووجودك جنبي عليا كفاية

بقلمي / إبـــــراهيم الأميـــــر

قمورة العيلة أميرتي وبس

مين قمورة العيله

مين عسولة الليله

أميرة مليتي حياتي

فرحة هنا وسرور

لو سألوني هقول

دي وردة فيها عطور

كلامها كده معسول 

 عيد ميلادها الليله

هنفرح بقي ونقول

يارب 100 سنه

تعيشي كده علطول

ويلا نغني نقول

مين قمورة العيله

ومين عسولة الليله

هيا أميرتي وبس

هيا خطيبتي وبس

هيا حبيبتي وبس

أميرتي  دي مفيش زيها

مش أي حد يوصلها

ربي كرمني وبقيت لها

كل حاجه عندها

مين قمورة العيله

ده عيد  ميلادها جميل

مين عسولة الليله

دي أميرتي ملهاش مثيل

ربي يخليها ليا

وتفضل غاليه في عنيا

دي قمر ملهوش مثيل

أميرتي كل سنه وإنتي طيبة
إبــــــــــــــــــراهيم الأمير 

النهاردة عيد ميلادها

النهارة عيد ميلادها

النهاردة عيد ميلادها الدنيا نور

النهارده هتتفتح الزهور

ترقص تغني وتيجي تهني

ليكي يا أميرتي  كل السرور

النهارده جاي بقولك

كل عام وإنتي بخير

ويارب يا حبيبتي  تعيشي

ألف عام بردو بخييير

النهارده يوم السعادة

دي خطيبتي الغاليه وليها في قلبي  الريادة

النهاردة في كل حاجة

حب وحنين وسعادة السنين

النهاردة رقة وجمال

ماهيا خطيبتي ولا في الخيال

دي غاليه عندي ودايماً في البال

ربنا يخليها ليا

كل عام وإنتي بخير

يا أحلي حبيبه وأعزة أميره  في الدنيا ديا

أميرة قلبي أنا

أميرة قلبي أنا

كل سنه وإنتي في سعادة وهنا

كل سنه وإنتي جنب قلبي هنا

كل سنــــــــة و انتي بخير وعيد ميلادك سعيد

كل سنة وحبّك في قلبي كل لحظة يزيد

يا عطر عمري يا حياتي يا حبي الوحيد

أميرة قلبي أنا

كل سنه وإنتي مخلياني أمير الإحساس

عمال أقول في حقك كلام جميل للناس

بقول فرحة عمري جتلي لحد عندي خلاص

شايفها ملاك منورلي السما

فيها كمية طيبه فيها أجمل إحساس

وبحلم أعيش معاكي ميت مليون سنه

وف كل عيد ميلاد ليكي أنا  هحمد ربنا

كل سنه وإنتي أميرة قلبي أنا

كل سنه وإنتي عايشه جنبي هنا

بقلم الشاعر إبراهيم الأمير