حبي ليكي غلب كل قراراتي
حبك غلب قراراتي
كنت مقرر إني أنا هبعد
بس لقيتني بقرب أكتر
لأني بحبك كل لحظه أكتر وأكتر
مشتاق ليكي كتير مشتاق
بس ده قدري تبعدي عني
وأنا أتعذب بالأشواق
إحساسي بيقولي بتحبك
وقلبي بيقول حباني
مع إن حياتك مش معايا
مع واحد تاني
مكذبش عليكي دموعي بتنزل
قلبي بيصرخ
أيوه دموعي بتنزل وأنا نايم
وقلبي من حبك بقي هايم
من نار الشوق بدعي أنا ربي
إنه يخليكي دايماً جنبي
وأديني مستني
وبقول يا حبيبتي
مشتاق ليكي كتير مشتاق
وكل قرار ضاع بالأشواق
قلت أنا هبعد مقدرتش
أصلي بحبك
قربت منك كمان وكمان
وإنتي معايا في الأحلام
ولهيبي زاد من شوقي ليكي يا أغلي الأحباب
قلبي بيصرخ لما بشوفك
بيقول حبيبتي قدام عنيا
بيدور عليكي في كل مكان
في المعهد والحقيقة والأحلام
شايف الحياة بدونك غرابيل
وليل إسود من غير دليل
ونهار شمسه مختفيه
وإبتسامتي قدام الناس مش حقيقيه
صحيح صورتك في عيوني
وقلبك جوه جفوني
وطيبتك جوه قلبي بيريحوني
وصراحتك في عقلي بيصبروني
بس بردو ليكي مشتاق
من شوقي سهرت ليل طويل
بكتب في حبك كلام كتيير
أنا بحبك ياشهرزاد
وحبي لكي في كل لحظة يزداد
أنا بحبك ومش هسيبك
بجد بحبك وهفضل معاكي
هشوف عنيكي بيصبروني
وهراقبك من قريب ومن بعيد
وهكون معاكي في كل مكان
في السكاشن والمحاضرات وفي أحلامك كمان
وإنتي صاحيه أو وإنتي نايمه
هفضل أحبك كمان وكمان
أيوه بحبك ومش هسيبك
قلبي بيصرخ وإنتي دواه
وحلم حياته تكوني معاه
طلبتي مني مبعدش عنك
حاضر حبيبتي
هسمع كلامك ومش هسيبك
لأن حبي ليكي غلب كل قراراتي
ـــــــــــــــــــــــــــــــــــــــــــ
بقلمي أنا الشاعر إبراهيم الأمير
هذه الكلمات يا أجمل عين من عيون الجنه
يا شهرزاد عمري يامن رؤيتك تمثل لي نفسي في الحياة أنا أحبك مهما فعلتي ولن ولم أتركك وحدك ولكن إوعديني أن تحاولي أن تريحيني
لأني أصرخ يا شهرزاد .. أحبك .. أحبك .. أحبك
أنت حياتي ولكي الحق في كل شئ أنا أعطيتك تصريح بذلك .. فأنا ملك لك وحبي أمانة بين يديك فحافظي عليه وعلي من يحبك ..
0 تعليقات:
إرسال تعليق
الاشتراك في تعليقات الرسالة [Atom]
<< الصفحة الرئيسية